Dieđiheapmi SGP 2023

Oassálastineaktun lea ahte lávlagiin lea sámegiel teaksta. Juogo áhkkil-, gieldda-, giema-, darjje-, anár-, nuoratalaš-, ubmi-, bihtán-, davvi-, lulli- dahje julevsámegillii.

Luođit galget leat nu movt luođit leat árbevirolaččat. Almmá musihka haga ja čuovvut dan báikki árbevirolaš juoiganvuogi.

Juohke buvttadeaddji/lávllačálli oažžu dieđihit eanemusat golbma šuoŋa.

– Mii bovdet buot jugiid ja lávllačálliid dieđihit gilvui. Dá lea stuora vejolašvuohta beassat oassálastit erenoamáš stuora musihkkavásáhussii, mii ovddida sámi lávlagiid ja luđiid. Mii sávvat ahte midjiide boađášedje buotlágan musihkat popšlájas. Sáhttet leat litna poplávlagat, garra rock, puddelrock, luohti musihkain ja buot mat vel doppe gaskkas leat, čilge SGP prošeaktajođiheaddji Ravna Nystad.

Lávlunoasi vuoiti 2022, Inga-Máret Gaup-Juuso. Govven: Per Heimly

Viidiiduvvon dieđihanáigemearri lea juovlamánu 1. b. 2022.

Lea NRK Sápmi mii gieđahallá dieđuid mat addojit dán skovis. Dieđut adnojit go Sámi Grand Prix váljje luæiid ja lávlagiid. Go dán jagáš artisttat leat válljejuvvon, de sihkkojuvvojit buot dieđut ovdalgo jahki lea gollan.

Merke jus dohkkehat eavttuid. Lean lohkan ja ipmirdan Sámi Grand Prix 2023 oasálastinnjuolggadusaid, mat dás vuolábealde leat logahallon. Mun dohkkehan eavttuid mat leat biddjon šuokŋa-dieđiheami hárrái.

SGP 2023 OASSÁLASTINNJUOLGGADUSAT

Buvtta galgá leat sáddejuvvon sisa juovlamánu 1. beaivve 2022.

• Sámi Grand Prix 2023 lea rabas juoigan- ja musihkkagilvu, masa buohkat geat čállet/ráhkadit šuoŋaid sáhttet sáddet iežaset buktaga. Lávlagat ja luođit mat leat mielde eai galgga almmuhuvvon ovdal.

• Luođit galget čuovvut muhtin dain sámi árbevirolaš juoiganmálle (vuelie, vuolle, luohti, livde, leu’dd) ja ovdanbuktojuvvot a capella.

• Lávlagat galget ovdanbuktojuvvot sámegillii (oarjel, upmeje, bihtán, julev, davvi, anáraš, nuortanaš, kildin, ter, akkil).

• Juohke buvttadeaddji, komponista, juoigi dahje artista oažžu dieđihit eanemusat golbma luođi/šuoŋa.

• Dat ii leat mearri man guhkki lávlla ja luohti lea go sádde sisa, muhto jus lávlla dahje luohti váljejuvvo de galgá sáhttit oaniiduvvot 3 minuhttii ja 1:20 minuhttii

• Buvtta ferte leat 100% originála materiála, ja dus/dis galgá leahkit vuoigatvuohta sáddet sisa ja oasalastit luđiin/šuoŋain.

• Juovlamánus 2022 mearrida jury lávlagiid/luđiid mat besset gilvui. Áigemearri goas sáddet buktaga lea čakčamánu 20. beaivi 2022.

Oasalastit galget leahkit boarraset go 16 jagi.